- جب اولاد بگڑ جاتی ہے، تو والدین مشکل میں پڑ جاتے ہیں۔ سبھی والدین اولاد کی بہترین تربیت کرتے ہیں تاہم کچھ بچے سنور جاتے ہیں اور کچھ بگڑ جاتے ہیں، جو سنور جاتے ہیں وہ ’’بی بے‘‘بچے ہوتے ہیں اور جو بگڑ جاتے ہیں وہ’’باں باں‘‘ بچے ہوتے ہیں۔ والدین کی چیخیں نکل جاتی ہیں لیکن کوئی سن نہیں پاتا، کیوں یہ چیخیں بے آواز ہوتی ہیں! نشے میں کہیں وہ تنہا نہ رہ جائے! ڈاکٹر صداقت علی کی کتاب ہے۔ نشے کے زیادہ تر مریض اپنے گھروں سے دور ہو جاتے ہیں، کچھ پہلے جیسے نہیں رہتے، کچھ گھروں کو نہیں لوٹتے اور کچھ زندہ ہی نہیں رہتے۔ کچھ تو یادوں میں بھی نہیں رہتے۔خوشخبری یہ ہے کہ بچوں میں بگاڑ آ جانے کے بعد بھی والدین بہت کچھ کر سکتے ہیں اور اپنے بگڑے ہوئے بچوں کو سنوار سکتے ہیں ۔ میرا یقین ہے کہ ہم سب مل کر کام کریں تو نشے کے مریضوں کی زندگی میں روشنی بکھیری جا سکتی ہے۔
-
باربار ریلیپس ہونے والے نشے کے مریضوں کی
بے آواز چیخیںڈاکٹر صداقت علی
ہزاروں مریض نشہ چھوڑ کر ایک بھرپور اور خوبصورت زندگی گزار رہے ہیں، تاہم کچھ’’خاص‘‘ مریضوں کی زندگی میں بار بار نشہ چھوڑنے اور پھر سے نشہ کرنے کا چکر چلتا رہتا ہے۔ ریلیپس سے بچاؤ کے کچھ طریقے مؤثر ہیں، ان پر میراایمان بہت مضبوط ہے۔
نشہ چھوڑنے کے کچھ عرصہ بعد، خالی پن، مایوسی اور ذہنی اذیت ابھر آتی ہے۔ یہ کیفیت سلگن کہلاتی ہے، زیادہ تر مریضوں کے ساتھاایسا کچھ نہیں ہوتا اور وہ تیزی سے زندگی کی مانگ میں سیندور بھرنے لگتے ہیں۔ جن مریضوں کو سلگن تنگ کرتی ہے بظاہر وہ بھلے چنگے نظر آتے ہیں پر اندر سے اُن کا برا حال ہوتا ہے۔ اُن کی چیخیں نکل رہی ہوتی ہیں لیکن کوئی سن نہیں پاتا کیونکہ یہ چیخیں بے آواز ہوتی ہیں۔ وہ زخموں سے چور ہوتے ہیں تاہم کوئی بھی یہ زخم دیکھ نہیں سکتا کیونکہ ان زخموں کے منہ باہر نہیں، اندر کی طرف ہوتے ہیں۔
ہم بہت درد دل سے کام کرتے ہیں تاکہ دل میں امید کی شمع جلتی رہے! کالے بادلوں کے کنارے پر بھی چاندی کے تار چمکتے رہیں۔سُرنگ کے اُس پار دوسری جانِب روشنی نظر آتی رہے!۔
- ہمیں یوں لگتا ہے کہ جیسے شب و روز بہت سوچ سمجھ کر گزارتے ہیں، ہم پھونک پھونک کر قدم رکھتے ہیں، سقراط بقراط کی طرح فیصلے کرتے ہیں، پر نہیں، ایسا ہرگز نہیں ہے، جو کچھ بھی دن بھر ہم کرتے ہیں زیادہ تر وہ ہماری عادتیں ہیں، سوچے سمجھے فیصلے ہر گز نہیں!
یہاں ہم عادتوں کے بارے میں بہت سی باتیں کریں گے، آپ کو یہ بھی بتائیں گے کہ کس طرح پرانی عادتیں ذیابیطس، امراض قلب اور ایڈکشن جیسی بیماریوں کے علاج میں رکاوٹیں پیدا کرتی ہیں؟ ہم یہ بھی بتائیں گے کہ عادتیں بدلنے کیلئے ہم کیا کر سکتے ہیں؟
Copyright 1995-2018, Sadaqat Clinic. All rights reserved.
