Group Therapy

گروپ تھراپی

نشہ بازی کے علاج میں گروپ تھراپی کا علاج بہت زیادہ اہمیت رکھتا ہے۔ گروپ میں ایک درجن مریضوں کے درمیان گفت و شنید آئینہ دکھانے کا کام کرتی ہے۔ وہ ایک دوسرے میں اپنے حالات کی تصویر دیکھتے ہیں۔ گروپ تھراپی میں کونسلر اینکر پرسن کا کردار انجام دیتا ہے۔ ایک تجربہ کار کونسلر اچھی طرح جانتا ہے مریض کی خود فریبی کا جال کیسے توڑنا ہے؟ گروپ تھراپی سارے علاج میں ریڑھ کی ہڈی کی حیثیت رکھتی ہے۔

دوران علاج تمام نشے کے مریضوں میں دو چیزیں یکساں طور پر دیکھنے میں آتی ہیں۔ ایک تو یہ کہ وہ نشہ چھوڑنے کی زبردست کوششیں کر چکے ہوتے ہیں۔ دوئم یہ کہ وہ سب اس میں ناکام ہو چکے ہوتے ہیں اُن کی ناکامی کی اصل وجہ یہ ہوتی ہے کہ وہ حقیقت کو نہیں دیکھ پاتے ان حالات میں گروپ تھراپی کا علاج خاص اہمیت رکھتا ہے۔ گروپ کا مقصد یہ ہوتا ہے کہ مریض واہمے سے نکل کر حقیقت کی دنیا میں آ جائے۔ سب کو نشے کی وجہ سے ایسے مسائل پیش آتے ہیں جن کے سامنے وہ اور اُن کے لواحقین بے بس ہوتے ہیں۔ گروپ میں مریض نشے سے پیدا ہونے والے مسائل کا حل تلاش کرتے ہیں اور ایک دوسرے کے تجربات کی روشنی میں خود کو پہچانتے ہیں۔ گروپ میں وہ اپنی ذات میں تبدیلی لانے کا عمل شروع کرتے ہیں۔ جس سے آہستہ آہستہ وہ اپنے مرض کو پہچاننے کے قابل ہو جاتے ہیں اور کھل کر مان لیتے ہیں کہ وہ نشے کی بیماری میں مبتلا ہیں۔ وہ نشے کے مرض سے لڑنے کا ہنر سیکھتے ہیں اور ذمہ دار انسان بننا شروع ہو جاتے ہیں۔ وہ واضح طور پر جان لیتے ہیں کہ نشے سے ہمیشہ کیلئے چھٹکارا ہی اس مرض سے نجات کا واحد حل ہے۔ ان کی زندگی میں اعتماد حوصلے اور امید کی شمعیں روشن ہو جاتی ہیں۔ غصے، پچھتاوے اور مایوسی کے بادل چھٹ جاتے ہیں۔ نفسیاتی علاج کا پہلا حصہ تو یہ ہے کہ مریض کو نشے کی بیماری پر اتنا سائنٹفک علم دیا جائے کہ وہ تسلیم کرنے لگے کہ ’’ہاں! میں کبھی محفوظ طریقے سے نشہ نہیں کر سکوں گا، کیوں کہ میرے جسم میں ایک ایسی مستقل تبدیلی آ چکی ہے جو نشے کے استعمال کو رد کرتی ہے، جبکہ میرے دماغ میں ایسی سوچ رچ بس گئی ہے جو مجھے نشے کا استعمال کرنے پر مجبور کرتی ہے۔ اس ٹکراؤ کے نتیجے میں بربادی جنم لیتی ہے۔ مزید یہ کہ میں جب بھی نشہ کرو ں گا مجھے سکھ نہیں بلکہ دکھ ملیں گے۔‘‘

اس کے ساتھ ہی مریض یہ سمجھ لیتا ہے کہ جس طرح وہ کنٹرول سے نشہ نہیں کر سکتا اسی طرح وہ محض قوت ارادی اور کنٹرول سے نشہ چھوڑ بھی نہیں سکتا۔ نشہ چھوڑنے کیلئے اسے طرزِ زندگی اور نظریات میں ایک اور بڑی تبدیلی لانا ہو گی۔ یہ حقائق جاننے کے بعد ہی نشے سے نجات کا دروازہ کھلتا ہے کیونکہ مریض اپنے علاج میں حقیقی دلچسپی لینے لگتا ہے۔ مریض کی نشہ بازی کا تسلسل اس عقیدے کی بنیاد پر ہوتا ہے کہ نشے کے بغیر اس کی زندگی نامکمل ہے اور اس کا سکھ، چین، آرام اور نیند نشے سے وابستہ ہے۔ حقائق سے روشناس ہونے کے بعد کوئی بھی انسان پہلے جیسا نہیں رہتا۔ جب مریض نشہ ترک کرنے کی ضرورت کا احساس کر لیتا ہے تو وہ بدلنے پرآمادہ ہو جاتا ہے۔ پھراسے قدم بہ قدم بحالی کی راہ دکھائی جاتی ہے۔ نشے سے نجات کیلئے ضروری ہے کہ مریض میں ایک عظیم قسم کی نظریاتی تبدیلی آ جائے۔ اس کا فلسفہ حیات بدل جائے۔ اگر اُس کی فلاسفی اور طرز زندگی پہلے جیسا رہے اور وہ نشے سے بحال رہنا چاہے تو یہ دونوں کا م ساتھ ساتھ نہیں ہو سکتے۔ بحالی انقلاب چاہتی ہے۔

دوران علاج گروپ تھراپی میں مریضوں کو بین الاقوامی طور پر تسلیم شدہ نشے سے بحالی کے پروگرام کا تعارف بھی کرایا جاتا ہے، یہ بارہ قدموں کا پروگرام پچھلے 80 سال سے دنیا بھرمیں رائج ہے اور معیاری علاج گاہوں میں اس پر خصوصی توجہ دی جاتی ہے۔ اس میں نشے سے بحالی کے بارہ قدم اور نشے سے بچاؤ کی منصوبہ بندی خاص طور پر قابلِ ذکر ہیں۔

 

Group Counseling for Psychiatric and Addiction Disorders

Sadaqat Clinic, the best rehabilitation centre in Karachi, Islamabad, and Murree, offers psychiatric and addiction treatment on individual basis and in group settings. Group counseling is a diversified therapeutic setup in which patients can talk about their addictive behaviours, psychiatric symptoms, impairments in functioning, and the treatment protocols. This setting allows patients to open up to others who may be going through similar experiences. Patients tend to express their fears, anxieties, regrets, resentments, unresolved conflicts, relationship problems, future planning, and apprehensions in the group.

Patients are given therapeutic support to talk about their core beliefs and perceptions, which can serve as a barrier to psychiatric and addiction treatment. During group counseling, patients offer recommendations and support each other in the recovery process. By doing so, the patient feels liberated, fulfilled, and relieved. Group counseling also helps break denial. When patients begin to see themselves in each other, they start recognizing and accepting their disease. The psychological and emotional wounds begin to heal therapeutically.

To keep the group members on board, the counselor plays a role of the facilitator and takes therapeutic stances when needed. Group counseling at Sadaqat Clinic is a structured treatment modality that teaches patients about disease concept, 12 Steps principles, relapse prevention, and personal development strategies. Psychologists and counselors at Sadaqat Clinic emphasize the importance of creating a paradigm shift in patients through group counseling, as it significantly benefits one’s course of recovery from addiction and psychiatric illness.