پہلی ملاقات

پہلی ملاقات

مریض کا کلینک میں داخل ہو جانے کے بعد اپنی فیملی سے ہونے والی ابتدائی ملاقات کو پہلی ملاقات کہا جاتا ہے۔ فیملی اپنے جذبات پر قابو رکھتے ہوئے مضبوط قوتِ ارادی کے ساتھ مریض کی فلاح و بہبود کے لیے اہم فیصلے کرتے ہیں اور اپنی رٹ قائم کرتے ہیں جس سے بامقصد علاج کی راہ ہم وار ہوتی ہے۔ پہلی ملاقات کا مقصد فیملی کی جذباتی ضروریات کو پورا کرنا ہے، اس دوران ان کی توجہ ٹریننگ پر مرکوز رکھنا بھی انتہائی ضروری ہے جس کے ذریعے علاج کو ٹریک پر لے جایا جا سکتا ہے۔

پہلی ملاقات کا دورانیہ طے شدہ ہوتا ہے جو کہ پانچ منٹ تک کا ہے اور کاؤنسلر اور سائیکالوجسٹ ملاقاتی کو پیشگی بتاتا ہے کہ میٹنگ مقررہ وقت پر ختم کر دی جائے اس موقع پر جب مریض یہ دیکھتا ہے کہ فیملی کاؤنسلر اور سائیکالوجسٹ کی بات مان رہی ہے تو وہ خود بھی کاؤنسلر اور سائیکالوجسٹ کی بات ماننے لگتا ہے۔ پہلی ملاقات میں فیملی کو مریض کے منفی رویوں پر غصہ اور بات بات پر صفائی دینے سے منع کیا جاتا ہے اور ایسی صورت میں فیملی کو پہلی ملاقات ختم کر دینے کو کہا جاتا ہے۔ اگر مریض فیملی سے بدتمیزی جاری رکھے تو پہلی ملاقات کا سلسہ روکا بھی جا سکتا ہے تا کہ مریض کو اپنی غلطی کا احساس ہو سکے۔